Две термоцентрали во Донецк беа оштетени во ноќен напад, со што голем број населби останаа без електрична енергија, објави Денис Пушилин, прорускиот лидер на регионот. Термоцентралите Зуивска и Старобешево беа затворени, а тимовите за итни случаи излегоа на терен за отстранување на дефектите.
Само еден ден претходно, Пушилин истакна дека околу 500.000 луѓе останале без струја по напад со беспилотни летала врз енергетската инфраструктура на регионот. Украинската страна не го потврди овој напад.
Во последните недели, Киев изврши повеќекратни напади со долгодолетни беспилотни летала врз енергетската инфраструктура на делови од Донецк, кој е под руска контрола, со цел да ја намали способноста на Русија да ја продолжи војната.
