Балкан
САД воведоа санкции за српска ИТ-компанија поради поддршка на руска кибер-криминална мрежа
Американската Канцеларија за контрола на странски средства (OFAC) воведе санкции против српската информатичка компанија Smart Digital Ideas DOO и узбекистанската Datavice MCHJ, поради нивната улога во обезбедување техничка инфраструктура за веќе санкционираната руска фирма Aeza, јавуваат американските власти.
Според OFAC, овие компании ѝ помогнале на Aeza да ги избегне постојните санкции, овозможувајќи создавање на системи и услуги кои не се поврзани со брендот Aeza во јавноста. Санкциите за Smart Digital се воведени согласно извршната наредба 13694 од 2015 година, која се однесува на поддршка на кибер-криминални активности и обезбедување материјална или технолошка помош за субјекти под санкции.
Aeza Group веќе беше санкционирана на 1 јули 2025 година, заедно со три поврзани компании, поради поддршката на глобални кибер-напади насочени кон жртви во САД и ширум светот. OFAC посочува дека Aeza обезбедувала BPH-услуги (bulletproof hosting) за групи кои се занимаваат со рансомвер и малициозен софтвер, меѓу кои и операторите на инфостелерите Meduza и Lumma. Овие услуги биле користени за напади врз американската одбранбена индустрија, технолошки компании и бројни цели на меѓународно ниво.
Санкционирањето на Aeza следеше по претходната акција против руските BPH-услуги Zservers во февруари 2025 година, што, според OFAC, ја демонстрира континуираната определба на САД за нарушување на кибер-криминалната инфраструктура.
Рансомверот претставува малициозен софтвер кој го блокира пристапот до податоци или системи сѐ додека не се уплати откупнина, потсетуваат американските власти.
Балкан
Земјотрес од 4,8 степени во Грција
Силен земјотрес со магнитуда од 4,8 степени ја погоди областа Калаврита во Грција во саботата вечер, соопшти Германскиот истражувачки центар за геонауки (GFZ). Епицентарот бил на длабочина од 10 километри, пренесува EMSC.
Првичните извештаи наведуваа магнитуда од 6,3 степени, но подоцна вредноста беше коригирана на 4,8.
Сведоци од областа пријавиле дека почувствувале силен татнеж, по што почнала да се тресе и нивната околина. „За среќа, плочките останаа на место. Епицентарот, изгледа, бил во селото Коутели кај Калаврита“, изјавиле локалните жители.
Засега нема информации за повредени или значителни материјални штети.
Балкан
Букурешт денеска гласа за нов градоначалник: 1,8 милиони избирачи на изборните места
Денеска граѓаните на Букурешт го остваруваат своето право на глас за избор на нов градоначалник. Се очекува речиси 1.800.000 луѓе да гласаат на 1.289 избирачки места и да го одредат лицето што ќе управува со најголемиот и најбогат романски град до 2028 година, со буџет од 11 милијарди леи.
Изборниот ден започна во 7 часот наутро и ќе трае до 21 часот по локално време. За позицијата, која остана празна по изборот на Никушор Дан за претседател на Романија, се натпреваруваат 15 кандидати, иако на гласачкото ливче се наведени 17 имиња поради повлекување на двајца кандидати во последен момент.
Најмладиот кандидат има 32 години, додека најстариот е 66-годишен. Победникот ќе стане 17-ти градоначалник на Букурешт од 1990 година наваму.
Балкан
Трагедија во Србија: Семјство од Босна и Херцеговина најдено мртво во куќата по неколку дена
Во семејната куќа во Чачак утрово беа пронајдени три тела на семејство од Босна и Херцеговина, но според неофицијални информации, трагичните настани се случиле неколку дена порано. Сè уште не е познат точниот датум на двојното убиство и, како што се претпоставува, самоубиството, јавува Radiosarajevo.ba.
Сомнежите упатуваат дека 47-годишниот В. Ч. ги убил своите родители, 72-годишната М. Ч. и 79-годишниот Н. Ч., а потоа, како што се претпоставува, си нанел смртоносни повреди на градите и вените. Според извори на „Блиц“, јавноста и полицијата за овој морничав случај дознале дури утрово.
Соседите се во шок, а нови информации за семејството продолжуваат да се појавуваат. Тие се преселиле во куќата од Босна и Херцеговина пред 26 години, на местото каде претходно живеело четиричлено семејство. За време на бомбардирањето на Србија, куќата била оштетена, а тогашниот сопственик извршил самоубиство во дневната соба.
Случајот е во тек на истрага, а полицијата се обидува да утврди сите околности околу трагичниот настан.
-
Република5 days agoТЕТОВО ВО НОВO-ОБJАВЕНИ ДОКУМЕНТИ НА ЦИА
-
Црна Хроника4 days agoПолициска акција: Уаспени Украинки во Горно Седларце – МВР со детали
-
Република6 days agoУтре големи прекини на струја во Тетово и тетовско
-
Црна Хроника7 days agoСкандал во клиничкиот центар Тетово: Полицијата го истражува случајот
-
Скопје3 days agoСекое застанување на булевар на „пет минути“ ќе се санкционира, вели Топаловски
-
Магазин4 days agoРазрешена вековната дилема: Научниците конечно потврдија каде е погребан Филип Втори Македонски
-
Република4 days agoЕве од кога ќе почнат да работаат камерите од „Безбеден град“ во Тетово и Куманово
-
Црна Хроника2 days agoПолицијата го лоцираше украденото „Ауди“ за неколку часа – младиот тетовец уапсен!