Connect with us

Инфо +

Граѓаните ќе можат уште некој месец да издржат без пари

Published

on

Граѓаните ќе можат уште некој месец да издржат без пари бидејќи многу поважен е законот за државјанствата, изјави пратеникот Скендер Реџепи од опозициската коалиција на Алијанса за Албанците и Алтернатива.

Тој смета дека оправдана е блокадата на Собранието за законите кои се однесуваат на пакетите со антикризни мерки кои треба да обезбедат финансиска помош за граѓаните и компаниите.

Реџепи вели дека неговата партија е свесна за одговорноста која ја носи со овој чекор но додава дека во разговорите со нивните гласачи заклучиле дека тие се подготвени некој месец да истрпат без плати само да се донесе законот за државјанство.

Овој предлог закон во Собранието е поднесен од Алијанса и Алтернатива и предвидува граѓаните кои немаат државјанство да може да го добијат со изјава на неколку сведоци.

Македонија

Касами почна со рушење на дивоградбите во Тетово

Published

on

Градоначалникот на Тетово, Биљал Касами, најави засилени инспекциски активности за ослободување на узурпираните јавни простори. Тој нагласи дека Тетово не е приватна сопственост, туку заеднички дом за сите граѓани, повикувајќи на одговорност и грижа за редот и безбедноста во градот.

Видео: https://www.facebook.com/share/v/1BVFW1vbYp/?mibextid=wwXIfr

Continue Reading

Инфо +

Претседателката Сиљановска-Давкова со порака за европска иднина и регионална стабилност

Published

on

На традиционалниот годишен прием за претставниците на дипломатскиот кор акредитирани во нашата држава, претседателката на Република Македонија, Гордана Сиљановска-Давкова, упати силна порака за европската иднина на земјата и значењето на регионалната стабилност.

Таа им посака на дипломатите, нивните семејства, држави и нации, како и на Европската унија и нејзините граѓани, сè најдобро во 2025 година. Во својот говор, претседателката истакна дека 2025 година треба да биде година кога Македонија конечно ќе тргне кон својот „европски политички дом“, каде што географски, историски и културно припаѓа.

„Ако Западниот Балкан е ‘Ахилова пета’ за поетски настроените западни политичари, тогаш тие треба да се грижат да не биде погоден од било какво оружје,“ нагласи Сиљановска-Давкова, упатувајќи повик за зајакнување на безбедноста и стабилноста на регионот.

Таа ја потенцираше важноста на реформите, повикувајќи на европеизација на земјата според Копенхашките критериуми и истакнувајќи дека членството во ЕУ ќе биде моќен мотиватор за демократизација и трајна стабилизација на регионот.

Претседателката посочи и на клучната улога на дипломатијата во препознавањето и справувањето со негативните трендови што претставуваат сериозна закана за европскиот мир.

Со оваа порака, Сиљановска-Давкова уште еднаш го потврди силниот ангажман на Македонија за европска интеграција и придонес кон заедничка европска иднина.

Continue Reading

Македонија

Истрага за обид за разбојништво

Published

on

Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило кривично дело – Разбојништво од член 237 став 4 во врска со став 1, сторено согласно член 19 (во обид), како и – Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик.

Осомничениот 72-годишник, на 15 јануари, влегол маскиран во канцеларија за кредитирање на улицата “Прилепска” во Битола и со употреба на сила се обидел да одземе парични средства со намера противправно да ги присвои. Со хебла во едната рака и огнено оружје – пиштол во другата, тој се заканил на вработената и побарал од неа да ги стави парите во торбичка што и ја подал. Таа одбила по што ја удрил неколку пати со хеблата по раката и телото. Оштетената избегала надвор од објектот, по што и осомничениот го напуштил местото.

Разбојништвото се обидел да го изврши со пиштол марка „Црвена застава“ што го држел неовластено.

При претрес во домот каде престојувал било пронајдено оружјето и осум куршуми.

Јавниот обвинител до судијата на претходна постапка достави предлог за определување мерка притвор за осомничениот.

Continue Reading
Advertisement
Advertisement

Трендинг

Copyright © 2024 Булевар.мк