Изградени три нови игралишта во Битола: Инвестиција од 2,6 милиони денари

Во битолската месност Областа, на улицата „Нико Фундали“, завршена е изградбата на три нови современи игралишта на вкупна површина од 629,27 квадратни метри.

Новиот спортско-рекреативен комплекс опфаќа детско игралиште, мало кошаркарско и мало фудбалско игралиште. Детското игралиште е опремено со нова урбана опрема и реквизити, при што подлогата е изработена од дробеник (шљунак) за зголемена безбедност. Кошаркарското и фудбалското игралиште се со модуларни подлоги и соодветна опрема, со што се обезбедуваат подобри услови за спорт и рекреација.

Вредноста на договорот за реализација на овој проект изнесува 2.666.219 денари, средства насочени кон подобрување на урбаната инфраструктура и квалитетот на живот на жителите во овој дел од Битола.