Бројот на загинатите во катастрофалните поплави што го зафатија јужниот дел на Тајланд се искачи на 33 лица, соопшти портпаролот на владата Сирипонг Ангкасакулкиат.
Минатонеделните поројни дождови предизвикаа излевање на реките и поплави во десет јужни провинции. Најтешко погоден е градот Хат Јаи, каде што се измерени рекордни врнежи за изминатите три века – во само еден ден наврнале 335 милиметри дожд.
Властите распоредија воени бродови и хеликоптери за доставување помош и евакуација, додека медицинските екипи се подготвуваат носач на авиони да го претворат во пловечка болница. Дел од жителите уште го чекаат спасувањето на покривите од своите домови, целосно потопени од надојдената вода.
Повеќе од два милиони луѓе се погодени од поплавите, но засолниште засега добиле околу 13.000 лица.
