Црна Хроника

Струмичанец уапсен поради пукање со пушка врз малолетник

Полицијата уапси 65-годишен жител на селото Банско, струмичко, кој вчера вечер пукал со воздушна пушка и ранил малолетник од Струмица.

Инцидентот се случил на 27 ноември околу 20:30 часот, во близина на домот на осомничениот Б.М. Според пријавата, тој испукал проектил кон малолетникот и го погодил во ногата.

Повредениот веднаш бил префрлен во Општата болница во Струмица, каде што му била укажана медицинска помош. Полицијата ја пронашла и одзела воздушната пушка што била користена во нападот.

Б.М. е приведен и задржан во Полициската станица Струмица, а за случајот е информиран јавен обвинител од Основното јавно обвинителство. По целосно документирање на инцидентот ќе биде поднесена соодветна пријава.

Црна Хроника

Автомобил со американски таблички излетал од коловозот кај Кичево: една жена тешко повредена

Рано утрово, околу 03 часот, на магистралниот пат Гостивар–Кичево, во близина на селото Трапчин Дол, патничко возило „Волво“ со американски регистарски ознаки излетало од коловозот, информираа од ОВР Кичево.

Возилото го управувал Ф.А. (32) од Кичево, кој во несреќата се здобил со телесни повреди. Сериозно повредена е сопатничката А.З. (25) од Кичево, кај која биле констатирани тешки телесни повреди во Медицинскиот центар Кичево.

На местото на настанот извршен е увид од увидна екипа на ОВР Кичево, а причините за сообраќајката дополнително се утврдуваат.

Црна Хроника

Тројца приведени по физички напад во Тетовско

На 07.12.2025 во 04:00 часот во с.Желино, полициски службеници од ПО Групчин и ПС Тетово, ги лишија од слобода А.Ф.(37) и Ќ.Б.(33), двајцата од с.Желино и С.И.(46) од с.Требош, кои биле пријавени од И.К.(37) од с.Прељубиште дека во угостителски објект во с.Желино физички го нападнале. Исто така, според пријавеното, И.К. на паркингот на објектот оштетил две паркирани возила. По документирање на случајот ќе биде изготвен соодветен поднесок.