Балкан

Србија со ново покачување: пензиите растат за 12,2 проценти од 1 декември

Пензиите во Србија од утре ќе бидат зголемени за 12,2 проценти, соопшти првиот вицепремиер и министер за финансии Синиша Мали. Според него, годинава покачувањето доаѓа еден месец порано од вообичаено — од декември наместо од јануари — додека првите исплати со зголемен износ ќе пристигнат на почетокот на јануари, пред божиќните празници.

Мали објави дека со новото зголемување просечната пензија во 2025 година ќе достигне околу 437 евра, додека во 2026 година се очекува да порасне на 488 евра. Тој потсети дека просечната пензија во 2012 година изнесувала 204 евра, нагласувајќи дека разликата денес е повеќекратна.

Министерот истакна дека пензиите растат не само номинално, туку и реално — побрзо од инфлацијата. Во периодот од 2020 до 2026 година, номиналното зголемување изнесува 117,1 процент, додека реалниот раст достигнува 45,2 проценти, со очекувана инфлација од 49,4 проценти за истиот период.

„Ова значи дека куповната моќ на пензионерите навистина расте, што директно го подобрува квалитетот на живот на најстарите граѓани, а истовремено ја одржуваме макроекономската стабилност“, рече Мали.

Балкан

Атина: 38 приведени за време на годишнината од убиството на тинејџерот

Во центарот на Атина вечерва избувнаа судири меѓу демонстранти и полицијата за време на маршот по повод 17-годишнината од убиството на Александрос Григоропулос. Полицијата употреби солзавец и шок-бомби, а 38 лица беа приведени, од кои осум се уапсени.

Тензии се појавија кога дел од демонстрантите се обидоа да се упатат кон квартот Егзархија, но полицијата ги спречи. Метро станиците „Панепистимио“ и „Синтагма“ беа затворени од 17 часот по наредба на властите.

Слични протести се одржаа и во Солун, каде беа приведени десет лица. Убиството на 15-годишниот Григоропулос во 2008 година останува симбол на борбата против полициската бруталност, а годишнината и годинава беше обележана со судири и засилено полициско присуство.

Балкан

Брод со мигранти се превртел кај Крит: 18 загинати, двајца преживеани

Грчката крајбрежна стража пронајде брод со 18 загинати мигранти покрај брегот на Крит, јави грчката јавна телевизија ERT News. Двајца преживеани изјавиле дека ја изгубиле контролата над бродот за време на бура, останувајќи на отворено море без вода и храна.

Сè уште не е познато од каде потекнуваат жртвите, а форензичарите и истражителите работат на утврдување на околностите околу несреќата. Моќна бура беснее во морето околу Крит, со налети на ветер над 90 километри на час.

Според УНХЦР, криумчарски банди продолжуваат да испраќаат мигранти по опасната рута од Тобрук во Либија кон Крит, а речиси 17.000 мигранти пристигнале на островот до почетокот на декември 2025 година.

Балкан

(ВИДЕО) Автомобил „полета“ над кружен тек – дијабетска криза ја предизвикала несреќата

Тешка сообраќајна несреќа се случи во Романија кога возач на „мерцедес“ ја изгуби контролата врз автомобилот и буквално прелета над две возила на кружен тек.

Mercedes flies over 2 cars in Romania, a 55-year-old driver lost control due to a medical problem, but he survived the crash with moderate injuries, and refused hospitalization pic.twitter.com/YoGn1YZuOZ
— Global Eye News🌐 (@globaleeyenews) December 5, 2025

На видеото кое кружи на социјалните мрежи јасно се гледа дека автомобилот возел со голема брзина, ја пресекол кружницата и „полетал“ над другите возила пред да удри во столб на надзорна камера и да застане на зелена површина покрај блиска бензинска пумпа.

Возачот, 55-годишен маж, останал заробен во автомобилот, но спасувачите успеале да го извлечат. Тој претрпел само полесни повреди и е однесен во болница на контрола, без потреба од хоспитализација.

Тестовите покажале дека не консумирал алкохол или дрога, а причината за несреќата е дијабетска криза која го спречила да реагира додека возел.