Украинскиот претседател Володимир Зеленски испрати нова порака до Доналд Трамп по четиричасовните мирољубиви разговори на Флорида помеѓу американски и украински официјални лица. Во кратка објава, тој му се заблагодари на Трамп за „напорите да се заврши војната во Украина“.
Зеленски ги опиша разговорите помеѓу американскиот државен секретар Марко Рубио и украинскиот секретар за Национална безбедност Рустем Умеров како „конструктивни“ и нагласи дека идните дијалози со Вашингтон треба да се водат со „јасен фокус на суверенитетот и националните интереси на Украина“.
Специјалниот пратеник на Трамп, Стив Виткоф, денеска треба да отпатува во Москва за средба со рускиот претседател Владимир Путин.
Трамп по разговорите се изрази оптимистично дека мирните преговори „добро напредуваат“, додека Рубио оцени дека разговорите биле „многу продуктивни“, но дека пред страните уште стои многу работа за постигнување услови кои обезбедуваат долгорочен просперитет за Украина.
Паралелно, Зеленски имал разговори со челниците на Европската комисија и НАТО за координација на ставовите и зајакнување на меѓународната поддршка, особено во контекст на интензивирани руски напади врз украинската инфраструктура. Тој посебно истакна дека претседателката на ЕК, Урсула фон дер Лајен, посветува големо внимание на зголемување на отпорноста на Украина во енергетскиот сектор.
