Градоначалникот на Општина Пробиштип, Тони Тоневски, денес присуствуваше на настан организиран од Здружението на слепи од Штип и Пробиштип, во соработка со Здружението на пензионери од Пробиштип, по повод 3-ти декември – Меѓународниот ден на лицата со попреченост.
Настанот беше збогатен со присуството на гости од Петрич, Бугарија, чија посветеност кон дружбата, меѓусебната поддршка и културниот развој претставува инспирација за локалната заедница. Тоневски истакна дека нивната искрена желба за поврзување и зајакнување на заедништвото е пример за идните генерации.
„Со заеднички сили можеме да создадеме инклузивна, хумана и поддржувачка средина за сите наши сограѓани“, порача Тоневски.
Настанот ја потврди важноста на меѓународната соработка и заедничката поддршка на лицата со попреченост, како клучен аспект на развојот на локалната заедница.
