Црна Хроника

Македонка убиена во Италија – сопругот се бара од полицијата

Сериозен инцидент го потресе мало италијанско село во покраината Анкона, откако 49-годишна жена од Македонија, Саџиде Муслија, беше пронајдена мртва во својот стан во Пјанело Валесина. Според локалните медиуми, нејзиното тело покажувало бројни знаци на насилство, а властите трагаат по нејзиниот 50-годишен сопруг, Назиф Муслија.

Жртвата била најдена во кревет со видливи повреди на главата и други траги од тепање. Полицијата била известена од нејзиниот работодавач откако жената не се појавила на работа, објави 4NEWS.mk.

Двојката била во процес на развод, но мажот се вратил да живее со неа и покрај разделбата. Имал претходно досие за семејно насилство и повеќе жалби поднесени од страна на жртвата. Во април оваа година, тој бил уапсен за физичко насилство врз неа.

Според медиумските извештаи, двапати биле регистрирани инциденти на силно насилство, вклучувајќи скршена врата со секира. Жената тврдела дека со години била подложена на постојано насилство од сопругот. Минатото лето, двојката постигнала спогодба за признавање вина, по што повторно се обидела да живее заедно.

Полицијата продолжува со потрагата по Назиф Муслија, додека случајот предизвикува загриженост поради сериозноста на семејното насилство и трагичниот исход.

Црна Хроника

Кривични пријави за 11 лица – МВР со детали

ОВР Радовиш поднесе кривична пријава против М.Б.(40) од с.Габревци, В.Р.(52) од с.Ракитец, Љ.М.(64) од с.Долни Липовиќ, Г.Р.(71) од с.Ракитец, М.М.(67) од с.Ракитец, В.Н.(71) од с.Долни Липовиќ, В.И.(48) од с.Ракитец, С.Р.(33) од с.Ракитец, Г.К.(51) од с.Дедино, М.Д.(50) од с.Габревци и Ј.Б.(47) од с.Габревци, поради постоење основи на сомнение за сторено кривично дело „незаконит лов“.

На 10.11.2025, пријавените без да поседуваат дневна дозвола за ловење на дивеч во ловиште и во ден понеделник, кој со одлука на Управниот одбор на Здружение ловечко и риболовно друштво „Студенец“ од Конче не е одреден како ден за лов, отишле на лов на диви свињи во атар на с.Габревци, општина Конче.

Црна Хроника

Скопјанка нападна полицајци при службена интервенција

На 04.12.2025 околу 21:55 часот, полициски службеници од СВР Скопје интервенирале на подрачјето на Ѓорче Петров, каде што биле принудени да приведат 43-годишната А.Р. од село Мршевци, скопско.

Жената се однесувала агресивно кон полициските службеници за време на службените дејствија. По целосно документирање на настанот, против неа ќе биде поднесен соодветен поднесок.

Црна Хроника

ВИДЕО Сообраќајка на автопатот Куманово-Скопје

Вечерва на автопатот Куманово–Скопје кај Стајковци се случила тешка сообраќајна несреќа. Засега нема официјални информации дали има повредени или жртви, а според првичните фотографии од местото на настанот може да се забележи значителна материјална штета.

Според очевидци, во несреќата учествувало патничко возило „Мерцедес“, кое по силниот удар завршило со сериозно оштетен преден дел. Полицијата е на терен и врши увид, по што ќе бидат познати повеќе детали за причините што довеле до несреќата.

Видеото може да го погледнете на 4news.mk