Европската Унија се огласи по соборувањето на претседателот Николас Мадуро во Венецуела, нагласувајќи дека внимателно го следи развојот на ситуацијата и апелира до сите страни за воздржаност.
Високата претставничка на ЕУ за надворешни работи и безбедносна политика, Каја Калас, соопшти дека разговарала со американскиот министер за надворешни работи, Марко Рубио, како и со амбасадорот на ЕУ во Каракас. „Европската унија внимателно ја следи ситуацијата во Венецуела“, рече Калас.
Таа потсети дека ЕУ постојано нагласува дека Николас Мадуро немал легитимитет и дека Брисел се залага за мирна политичка транзиција во земјата. „Во сите околности, принципите на меѓународното право и Повелбата на Обединетите нации мора да се почитуваат. Апелираме на воздржаност“, додаде Калас.
