Бугарското Министерство за надворешни работи испрати официјална нота до Грција поради сериозните проблеми предизвикани од протестите на грчките земјоделци, кои доведоа до затворање на клучни патишта и гранични премини. Во нотата се истакнува дека блокадата предизвикала економски загуби за бугарските транспортни компании, извозници и граѓани, како и нарушување на слободното движење на луѓе и стоки, гарантирано со законите на Европската унија.
Министерството изрази очекување дека прашањето ќе биде решено конструктивно и во духот на добрососедството, со преземање на мерки за спречување на слични инциденти во иднина.
Премиерот во заминување на Бугарија, Росен Жељазков, изјави дека добил уверување од грчкиот премиер Киријакос Мицотакис дека блокадата на границата ќе биде надмината во наредните денови. Двајцата лидери разговарале во Париз, каде учествувале на состанокот на Коалицијата на волјата.
