Премиерот Христијан Мицкоски попладнево преку својот фејсбук профил информира дека одржал саботен состанок со својот владин тим посветен на реформската агенда.
„Борбата за критериумите на Европската Унија продолжува и покрај наметнатиот билатерален спор. Силно сме фокусирани кон стандарди за подобар живот на граѓаните. Таа борба продолжува“, напиша Мицкоски.
Премиерот потенцира дека Владата останува посветена на реформските процеси, со цел унапредување на стандардите и обезбедување конкретни придобивки за граѓаните, како и зајакнување на евроинтеграциската позиција на Македонија.
