Во моментов во Скопје се спроведува голема полициска акција.
Акцијата ја спроведува Основно јавно обвинителство за гонење на организиран криминал и корупција (ОЈО-ГОКК).
Според информации на 4news.mk, над 10 лица се уапсени, а голем дел од нив се од Управата за јавни приходи (УЈП)
Веста ја потврдија и од ОЈО-ГОКК за 4news.mk.
„Од попладнево под раководство на јавен обвинител од ОЈО ГОКК, истражители од ОЈО ГОКК, со асистенција на полициски службеници од МВР вршат претреси на повеќе локации во државава и се обезбедуваат лица осомничени за даночна измама и даночно затајување од поголеми размери“, велат од таму.
Уапсените се спроведени во полициска станица Кисела Вода.
Наскоро очекуваме повеќе информации…
