Во скопската населба Кисела Вода вчера се случи инцидент кој заврши со пријава во полиција. Според информациите од СВР Скопје, 31-годишна жена тврди дека била нападната во домот на нејзиниот партнер, Љ.З.
Жената објаснила дека тој ѝ го одзел мобилниот телефон, физички ја нападнал и со остар предмет ѝ упатил закани. Насилството не запрело во просториите на домот – подоцна, во дворот, партнерот наводно го оштетил и возилото со тврд предмет.
Од МВР велат дека се преземаат сите неопходни мерки за расчистување на случајот и утврдување на околностите околу настанот.
