Вооружен напад врз еден од најмоќните разузнавачи на Русија ја потресе Москва денес. Генерал‑полковник Владимир Алексеев, прв заменик‑началник на Главната дирекција за разузнавање при Генералштабот на руските вооружени сили, беше хоспитализиран поради прострелна рана. Информациите од руските медиуми говорат за напад со огнено оружје, но детали за мотивите и сторителот сè уште се чекаат.
Алексеев, високо рангиран офицер во руското военно разузнавање, важеше за главен преговарач во еден од најнеизвесните моменти на руската војска — кога во јуни 2023 година платеничката група „Вагнер“ започна бунт против врвот на руската команда. Токму тој седеше на преговарачката маса со водачот на „Вагнер“, Евгениј Пригожин, обидувајќи се да спречи ескалација на судирот во Кремљ.
