Србија најверојатно ќе продолжи да набавува руски гас уште шест месеци, изјави генералниот директор на „Србијагас“, Душан Бајатовиќ. Договорот кој истекува крајот на март, според него, ќе биде анексиран, но процесот не е без предизвици поради европските санкции и компликациите со платежните трансакции.
Бајатовиќ уверува дека цената на гасот за домаќинствата останува непроменета, а залихите се доволни за целата грејна сезона. „Дури и ако не увеземе дополнителни количини, Србија е обезбедена до крајот на грејната сезона“, рече тој за РТС.
Во новиот период, од март до октомври, дневниот обем на испорака ќе изнесува шест милиони кубни метри, наместо претходните 10, бидејќи капацитетот на складиштето „Банатски двор“ не дозволува полнење на полн капацитет. Бајатовиќ нагласи дека ова е практично решение засновано на големите залихи, а долгогодишниот договор со Русија ќе биде адаптиран за наредните месеци.
Србија, како што додаде, засега не се соочува со ризик од недостаток на енергенс, и граѓаните можат да сметаат на стабилни испораки и цени.
