На Купјанскиот правец зачестуваат случаите на напуштање на позициите од страна на украински војници, објави Новости, повикувајќи се на информации пренесени од Спутник и извори од безбедносните структури.
Според наводите, ниските температури и проблемите со снабдувањето со електрична енергија дополнително ја усложнуваат состојбата на теренот. Изворот тврди дека постојат сериозни потешкотии во пополнувањето на единиците, при што, како што се наведува, загубите се зголемуваат, а нови војници не пристигнуваат со очекуваната динамика.
Се споменуваат 5. бригада на Националната гарда и 116. бригада на Територијалната одбрана како единици кои се соочуваат со вакви предизвици.
Според истиот извор, напуштањето на позициите, како и одбивањето да се стигне до нив, станало почеста појава. Како причини се наведуваат тешките услови на теренот и незадоволството од поддршката што ја добиваат војниците од страна на командните структури.
