Две државјанки на Грција завршија во полициска станица откако биле фатени под сомнение дека извршиле кражба во трговски центар во Аеродром.
Како што информираат од Министерство за внатрешни работи, синоќа околу 19 часот полициски службеници од СВР Скопје ги привеле 46-годишната Е.П. и 26-годишната Г.Г., двете од Република Грција.
Се сомничи дека двете жени претходно, на 14 февруари во периодот меѓу 18:15 и 18:35 часот, одзеле повеќе козметички производи од продажен објект лоциран во трговски центар на подрачјето на општина Аеродром. По настанот, случајот бил пријавен во полиција, по што биле преземени мерки за нивна идентификација и приведување.
Од МВР најавуваат дека по целосно расчистување и документирање на случајот, против осомничените ќе следува соодветна кривична пријава.
