Македонија се подготвува за нови авио-конекции со Саудиска Арабија. Министерството за транспорт најави дека започна процесот за склучување Спогодба за воздушен сообраќај со таа земја, со која ќе се постави правна рамка за директни летови од македонските аеродроми до саудиските дестинации.
Спогодбата има за цел да создаде поволни и фер услови за работа на авиопревозниците, овозможувајќи развој на конкурентни услуги, намалување на цените за патниците и воведување на нови, квалитетни летови. На овој начин, патниците од Македонија ќе добијат директни и редовни авиолинии кон Саудиска Арабија, додека авиокомпаниите ќе добијат стабилна и предвидлива регулаторна основа за своето работење.
