Собранието на Македонија денеска го избра Гоце Наумовски за нов уставен судија, со 63 гласа „за“, седум „против“ и без воздржани.
По изборот, Наумовски даде свечена изјава пред пратениците, со која се обврза дека функцијата ќе ја извршува совесно, одговорно и во согласност со Уставот и законите.
На истата седница, без расправа, пратениците ја донесоа и одлуката за давање овластување за склучување поединечен колективен договор, која беше поддржана со 68 гласа „за“, без ниту еден глас „против“ или „воздржан“. Предлогот беше поднесен од претседателот на Собранието, Африм Гаши.
Со ова, законодавниот дом продолжува со кадровските и институционалните одлуки, меѓу кои и пополнувањето на составот на Уставниот суд.
