Угинат балкански рис бил пронајден утрово околу 6 часот на магистралниот пат Охрид – Ресен, во близина на селото Буково. Станува збор за возрасна женка од овој реток и строго заштитен вид.
По пронаоѓањето, надлежните служби извршиле теренски увид, во координација со Македонското еколошко друштво и Државниот инспекторат за животна средина.
Од институциите информираат дека угинатото животно ќе биде транспортирано во Скопје, каде што ќе биде извршена обдукција на Факултетот за ветеринарна медицина при Универзитетот „Св. Кирил и Методиј“ со цел да се утврдат причините за угинувањето.
Балканскиот рис е критично загрозен вид и е под строга заштита во државата. Експертите предупредуваат дека секоја загуба на единка претставува сериозен удар врз зачувувањето на биолошката разновидност и опстанокот на овој редок вид во природата.
