Генералниот секретар на НАТО, Марк Руте, во вторник, на 3 март, ќе ја реализира својата прва официјална посета на Македонија како шеф на алијансата.
Домаќин на Руте ќе биде претседателката Гордана Сиљановска-Давкова, а во рамки на посетата е предвидено тој да оствари средби со премиерот Христијан Мицкоски и со претседателот на Собранието, Африм Гаши. Дополнително, генералниот секретар ќе присуствува и на показна вежба на Армијата.
Ова ќе биде прва посета на Руте на Скопје во улога на генералниот секретар на НАТО. Тој претходно ја посети земјата во ноември 2021 година како премиер на Холандија. Во меѓувреме, во 2023 година, Македонија ја посети и тогашниот прв човек на НАТО, Јенс Столтенберг.
