Британските вооружени сили на Кипар се најдоа под напад откако беспилотно летало го погодиaa воената база на Кралските воздухопловни сили во Акротири. Според соопштението на Министерството за одбрана на Велика Британија, штетата е минимална, нема повредени, а истрагата е во тек за да се утврди местото од каде е лансиран дронот.
„Нашите сили веднаш реагираа за да ја заштитат базата и персоналот“, се наведува во официјалното соопштение. Нападот се случи само неколку часа по одлуката на Велика Британија да им овозможи на САД да користат британски воени бази за операции против Иран. До сега Лондон не бил директно вмешан во американско-израелските акции, но премиерот Кир Стармер изјави дека неодговорното однесување на Иран создава закана по британските граѓани, што ја оправдува одлуката за соработка.
Базата Акротири, која се наоѓа на територија под британски суверенитет на островот Кипар, не е нападната речиси четири децении. Последниот инцидент се случи во средината на 1980-тите, кога нападот го извршија либиски милитанти.
