Новата анализа за глобалната економија во 2026 година, базирана на бруто-домашниот производ пресметан според паритет на куповна моќ (PPP), покажува значителни промени во економската рамнотежа во светот.
Според податоците на Интернационалниот монетарен фонд, вкупната светска економија во 2026 година достигнува 219,2 трилиони долари, при што најголемиот дел од економската моќ се концентрира во Азија.
Според пресметките базирани на куповна моќ, Кина и понатаму е најголемата економија во светот, со БДП од 43,5 трилиони долари.
Кина ги надмина САД според овој метод уште во 2014 година, а разликата продолжува да расте.
САД се на второто место со економија од 31,8 трилиони долари.
Континентот со најголем удел во светската економија е Азија, која учествува со 49% од глобалниот БДП пресметан по PPP.
Покрај Кина, меѓу најголемите азиски економии се:
Индија – 19,1 трилиони долари
Јапонија – 6,9 трилиони долари
Индонезија – 5,4 трилиони долари
Саудиска Арабија – 2,8 трилиони долари
Овој раст ја потврдува тенденцијата економскиот центар на светот постепено да се поместува кон Азија.
Во Европа најсилна економија останува Германија со 6,3 трилиони долари, следена е Франција – 4,7 трилиони долари
Велика Британија – 4,6 трилиони долари
Италија – 3,8 трилиони долари
Во Северна Америка, покрај САД, значајни економии се:
Мексико – 3,6 трилиони долари
Канада – 2,8 трилиони долари
Меѓу економиите кои бележат значително зголемување се и
Бразил – 5,2 трилиони долари
Русија – 7,3 трилиони долари
Турција – 4 трилиони долари
Во Африка најголеми економии се:
Египет – 2,5 трилиони долари
Нигерија – 2,4 трилиони долари
Јужна Африка – 1,1 трилиони долари
Што значи PPP?
Бруто-домашниот производ пресметан според паритет на куповна моќ (PPP) ја мери економската активност според реалната куповна моќ во секоја земја, наместо според номиналните девизни курсеви.
Овој метод овозможува пообјективна споредба меѓу економиите со различни трошоци за живот.
Анализата покажува дека глобалната економска тежина постепено се поместува од Запад кон Азија, додека економиите во развој играат сè поголема улога во светската економија.
Експертите сметаат дека овој тренд ќе продолжи и во следните децении, особено со растот на земји како Индија, Индонезија и Бразил, кои стануваат сè поважни играчи на глобалната економска сцена.
