Американскиот Стејт департмент објави дека од 28 февруари досега повеќе од 28.000 американски државјани безбедно се вратени од кризниот регион на Блискиот Исток. Помошникот државен секретар Дилан Џонсон истакна дека бројката се однесува само на оние кои веќе пристигнале во САД.
Илјадници Американци биле евакуирани преку специјални чартер летови и копнен транспорт. Во статистиката не се вклучени граѓаните кои привремено се преместиле во други земји или се во транзит кон САД. Стејт департментот досега има реализирано повеќе од десетина специјални чартер летови за оваа цел.
Иако комерцијалните летови низ регионот постепено се обновуваат, операциите со чартер летови и копнен транспорт продолжуваат во согласност со безбедносните услови на теренот.
Деноноќната Оперативна група на Стејт департментот обезбедила директна помош за над 16.000 Американци во странство, нудејќи безбедносни насоки и логистичка поддршка за патување.
Американските власти апелираат до своите граѓани кои сеуште се наоѓаат во Оман, Кувајт, Бахреин, ОАЕ, Катар, Саудиска Арабија и Израел да го пополнат Формуларот за прием во кризни ситуации (Crisis Intake Form) и да контактираат деноноќната телефонска линија на +1-202-501-4444 за асистенција.
