Во рамките на Планот за социјална, здравствена и детска заштита, Општина Ѓорче Петров организира крводарителска акција која ќе се одржи во четврток во Центарот за култура Ѓорче Петров, од 12:00 до 18:00 часот.
Општинските власти ги повикуваат сите граѓани со хуман дух да се вклучат и со својот придонес да обезбедат драгоцена крв за пациентите кои итно имаат потреба од неа. Дарувањето крв е вистински акт на солидарност, начин на кој секој од нас може да помогне во спасувањето човечки животи и да покаже поддршка кон заедницата.
