Во нигериската сојузна држава Бенуе, исламски милитанти извршија брутален напад врз христијанското село Туран, оставајќи зад себе трагедија и пустош. Најмалку десет лица се пронајдени мртви, меѓу кои и двајца членови на локалната руска православна заедница, Јован Акуле и Даниел Ахемба. Тие се сметаат за првите африкански православни верници кои смртно настрадале во контекст на верско мотивираните напади.
Останатите жители, преплашени и ранети, беа принудени да побегнат од своите домови. Се претпоставува дека бројот на загинати ќе продолжи да расте додека спасувачките тимови ја продолжуваат потрагата во околните подрачја.
Пред нападот, во Туран живееја околу педесетина православни христијани, меѓу кои и околу дваесетина деца. Сега преживеаните, раселени и без основни средства за живот, се соочуваат со сериозна хуманитарна криза.
Архимандритот Нифонт (Хуле), духовен старешина на заедницата, опиша ужасна слика: „Немаше време да се земе ништо, луѓето мораа да бегаат со последните здивови надеж. Во најблискиот град, стотици бегалци бараат вода, храна и засолниште. Многумица имаат неизлечени рани и итно им е потребна медицинска помош.“
Во одговор на трагедијата, Руската православна црква отвори итна хуманитарна кампања за собирање донации. Собираните средства ќе им помогнат на семејствата на убиените, како и на православните христијани од Туран кои останаа без домови и средства за преживување.
