Најпознатиот украински ракетен стартап „Фајр Поинт“ започна тестирање на нови балистички ракети FP-7 и FP-9, кои, според компанијата, би можеле да стигнат до главните руски градови, вклучувајќи ја Москва, до крајот на летото. Компанијата за првпат го најави развојот на овие модели во септември минатата година, пренесува „Киев Индепендент“.
Главниот инженер и сопственик на „Фајр Поинт“, Денис Штилиерман, во интервју за „Арми ТВ“ објасни дека FP-7 е балистичка ракета со краток дострел, додека FP-9 има поголем дострел и поголема ударна моќ. Тој посочи дека предизвик за украинските оружја за длабок удар досега била ефикасната руска воздушна одбрана околу Москва и Санкт Петербург.
„ФП-9 ќе погодува со брзина од над 1.200 метри во секунда, што ќе овозможи дел од ракетите да го пробијат системот за одбрана. Очекуваме околу 25 проценти да стигнат до целта“, истакна Штилиерман.
Компанијата е веќе позната по FP-1, дрон за длабок удар, и крстосувачката ракета „Фламинго“ FP-5. Штилиерман објави видеа од лансирањето на FP-7 и најави тестирања на соседни територии, додека функционалните модели на FP-9 се очекуваат до јуни 2026 година.
Историјата на „Фајр Поинт“ не е без контроверзии. Минатото лето компанијата ја промовираше ракетата „Фламинго“ низ Европа, при што се појавија прашања за точноста и бројките за производство. „Киев Индепендент“ објави дека компанијата се соочува со истрага за корупција, но Штилиерман нагласи дека неговите лични финансиски врски со мрежата на Тимур Миндич не се поврзани со „Фајр Поинт“.
Here is a short video. Without context. Context — later) pic.twitter.com/B1v90J9NXq
— Denys Shtilierman (@DenShtilierman) February 20, 2026
…
