Американскиот претседател Доналд Трамп во текот на вчерашниот ден даде низа контрадикторни изјави за војната со Иран, при што од едно гледиште конфликтот е „скоро завршен“, а од друго – „само почеток“.
На прес-конференција, новинар го праша како да се усогласат неговите изјави со тврдењето на американскиот министер за одбрана Пит Хегсет дека војната е на почеток. Трамп одговори дека и двете оценки се точни. „Мислам дека можете да кажете и двете. Тоа е почеток – почеток на градење нова нација. Но, тие немаат морнарица, воздухопловни сили, противвоздушна опрема, радари, телекомуникации и лидерство. Сè е разнесено“, рече претседателот.
Тој додаде дека досегашните операции можат да се сметаат за голем успех, но конфликтот сè уште не е завршен. „Можеме да го наречеме огромен успех. Можеме да продолжиме и ќе продолжиме“, истакна Трамп.
Подоцна, во говор пред републиканците во Претставничкиот дом на Флорида, Трамп изјави: „Во многу аспекти веќе победивме, но не победивме доволно. Одиме напред порешително од кога било за да ја постигнеме конечната победа што ќе ја заврши оваа долгогодишна закана еднаш засекогаш.“
Конфликтот влезе во 11-тиот ден откако САД и Израел започнаа воздушни напади врз ирански воени цели, а Иран возврати со напади со беспилотни летала и ракети врз американски бази и регионални сојузници. Западните претставници предупредуваат дека сè уште е прерано да се прогласи завршена војната, додека нападите продолжуваат, иако Вашингтон тврди дека инфраструктурата и командните системи на Иран се сериозно оштетени.
Q: You said the war is 'very complete.' But your defense secretary says 'this is just the beginning.' So which is it?
TRUMP: You could say both pic.twitter.com/4orXm5ZM4b
— Aaron Rupar (@atrupar) March 9, 2026
…
