Портпаролката на Белата куќа, Каролин Ливит, изјави дека претседателот на Соединетите Американски Држави, Доналд Трамп и специјалниот пратеник Стив Виткоф ѝ пренеле на Русија дека САД ќе бидат незадоволни доколку информациите што се разменуваат навистина се користат.
„Претседателот и специјалниот пратеник рекоа дека ѝ пренеле порака на Русија дека ако ова навистина се прави, тие нема да бидат задоволни и дека се надеваат дека тоа нема да се случи“, изјави Ливит на последниот брифинг за медиумите.
Информацијата доаѓа по извештајот на весникот Вашингтон пост, кој објави дека Москва му доставила на Техеран класифицирани податоци, вклучувајќи и локации на американските воени бродови и авиони во близина на Иран.
