Министерството за одбрана на Турција објави дека системите за воздушна одбрана на НАТО, распоредени во Источниот Медитеран, успешно го пресретнале и уништиле балистичка ракета што беше испукана од Иран и упадна во турскиот воздушен простор. Ова е веќе трет инцидент од ваков тип во рок од нешто повеќе од една недела, потсетува агенцијата АФП.
Според официјалното соопштение, брзата реакција на одбранбените системи спречила потенцијална закана за турската територија, нагласувајќи ја готовноста на НАТО да одговори на слични провокации.
