Поранешниот скопски градоначалник и актуелен пратеник од редовите на СДСМ, Петре Шилегов, вечерва за првпат се огласи по објавата на партијата дека Извршниот одбор започнува постапка за негово исклучување. Информацијата, Шилегов ја дознал во живо додека учествувал во телевизиска емисија.
На прашањето за реакција, тој одлучи да не излегува со политички став вечерва, повикувајќи се на денешната трагедија во Кочани. „Од должна почит кон жртвите и нивните семејства, вечерва нема да давам политички коментари. Утре ќе имам што да кажам“, истакна Шилегов.
Иако засега воздржан, тој упати најава дека ќе зборува за прашања поврзани со психотропни супстанци и парите кои, според него, се лесно заработувани во последниот период.
