На автопатот Солун – Евзони, полицијата од Килкис фати возач кој возел со опасна брзина од 223 километри на час, двојно над дозволеното ограничување од 110 километри на час. Станува збор за 49-годишен македонски државјанин, кој го привлече вниманието на патните службеници токму на патот кон граничниот премин со Македонија.
При контролата, на возачот му беа одземени возачката дозвола и регистарските таблици, а против него е изречена казна од 700 евра. Според информациите од регионалната полициска дирекција на северна Грција, лицето денеска ќе се соочи со јавен обвинител.
