Конфликтот на Блискиот Исток нагло ескалираше откако Иран изврши масовен ракетен напад врз Израел, при што биле лансирани повеќе од 100 ракети кон израелска територија.
Според информациите, нападот претставува одмаздничка акција по убиството на иранскиот политичар Али Лариџани, кој важеше за една од највлијателните личности во иранскиот политички и безбедносен систем.
Израелските одбранбени сили соопштија дека голем дел од ракетите биле пресретнати од системите за противвоздушна одбрана, додека во повеќе градови се огласиле сирени за тревога и населението било повикано да се засолни.
Медиумите јавуваат дека експлозии биле регистрирани во неколку делови од земјата, а службите за итна помош интервенирале на повеќе локации.
Нападот доаѓа во период на силно зголемени тензии меѓу Иран и Израел, по серијата меѓусебни обвинувања и воени операции во регионот.
Аналитичарите предупредуваат дека ваквата ескалација може дополнително да ја дестабилизира ситуацијата на Блискиот Исток и да го зголеми ризикот од поширок регионален конфликт.
