Организација за атомска енергија на Иран потврди дека бил извршен напад врз нуклеарниот комплекс Натанц, но без да открие детали за начинот на изведување или видот на употребеното оружје.
Во официјалното соопштение се наведува дека нема истекување на радијација и дека не постои опасност за цивилното население во регионот.
Натанц, заедно со објектите во Исфахан, претставува еден од најважните сегменти на нуклеарната инфраструктура на Иран и се наоѓа во централниот дел на земјата.
Според проценките, главната цел на САД и Израел во тековните тензии е ограничување на нуклеарната програма на Иран, со намера да се спречи развој на нуклеарно оружје.
Иако претходно беа регистрирани инциденти во близина на нуклеарни објекти, особено околу Исфахан, ова е прв случај да се пријави посериозен напад врз Натанц. Во меѓувреме, израелски медиуми, повикувајќи се на американски извори, тврдат дека зад нападот стојат САД и дека за првпат биле употребени специјални бомби за пробивање на утврдени објекти од почетокот на конфликтот.
BREAKING : Iran says its Natanz nuclear facility has been hit in an airstrike while Israeli sources confirmed that an underground missile city was targeted using multiple GBU-57 bunker buster bombs which was used for missile storage, missile manufacturing and urenium enrichment. pic.twitter.com/yQLCbFVZru
— Baba Banaras™ (@RealBababanaras) March 21, 2026
…
