Врховниот лидер на Иран, ајатолахот Моџтаба Хамнеи, објави десет клучни директиви за иранските вооружени сили во контекст на тековниот конфликт со САД и Израел, пренесуваат иранските медиуми.
Според иранската новинска агенција ВАНА, првата директива ја нагласува континуираната блокада на Ормутскиот теснец, додека втората предвидува продолжување на нападите врз американските воени бази во регионот на Персискиот Залив. Третата директива ги повикува силите да останат подготвени за отворање нов фронт доколку се процени како стратешки неопходно.
Дополнително, иранските сили се повикуваат на уништување на американските и израелските воени капацитети, како и на водење посебна евиденција за „секоја жртва“ во контекст на воена одмазда. Шестата директива ја нагласува задачата на разузнавачките структури за елиминирање на безбедносните закани од внатрешни и надворешни непријатели, додека седмата предвидува поштеда на некои соседни земји од воени напади.
Според WANA, ајатолахот Моџтаба Хамнеи дал и дополнителни наредби под свој директен надзор. Тие вклучуваат повеќекратен одговор на секој напад врз енергетската инфраструктура на Иран, зголемување на интензитетот на ракетните напади против Израел и додавње на нови цели на списокот за напад кога тоа е потребно.
…
