Во јавноста се отвори нова дебата откако на програмата на Македонската радио-телевизија беше емитуван детски музички настап кој предизвика силни реакции и поделени мислења.
Станува збор за изведба на песната „Trojet shqiptare“, прикажана во рамки на детски фестивал на вториот канал на МРТ. Настапот го изведува 13-годишно девојче, кое за време на изведбата носи маица со мапа што дел од јавноста ја поврзува со концептот на т.н. „Голема Албанија“.
Дополнителни реакции предизвика и текстот на песната, во кој се споменуваат пораки за обединување, како и визуелниот дел од настапот. Според дел од граѓаните, ваквата содржина не е соодветна за емитување на јавен сервис, особено кога се работи за програма во која учествуваат деца.
Од друга страна, има и ставови дека станува збор за уметнички израз и културна презентација, која не треба да се толкува политички.
Настанот отвори поширока дискусија за границата меѓу културен израз и политичка симболика, како и за одговорноста на јавниот сервис во изборот на содржини што се емитуваат пред пошироката публика.
Засега нема официјална реакција од МРТ во врска со овој случај, но дебатата на социјалните мрежи продолжува со засилен интензитет.
ВИДЕОТО ПОГЛЕДНЕТЕ ГО НА СКОПЈЕ1.МК
