Американската амбасада во Тирана издаде алармантно предупредување до своите граѓани, укажувајќи на можно зголемување на заканите од ирански групи во Албанија. Според објавата на амбасадата на Фејсбук, потенцијални цели би можеле да бидат како субјекти поврзани со САД, така и ирански опозициски групи сместени на албанска територија.
Медиумите истакнуваат дека нападите би можеле да се случат на јавни и густо посетувани места, вклучувајќи туристички атракции, трговски центри, хотели, ресторани и ноќни клубови. Амбасадата ги повика американците во Албанија да бидат внимателни и да преземат превентивни мерки за лична безбедност.
