Хрватскиот пејач Јаков Јозиновиќ по настапот во арената „Јане Сандански“ во Скопје изјави дека реакцијата на македонската публика оставила силен впечаток врз него и дека искуството ќе го памети долго време.
Тој на прес-конференцијата по концертот истакна дека за време на престојот во Македонија се чувствувал прифатено и дека од првиот момент имал чувство на блискост со градот и со публиката.
Јозиновиќ нагласи дека му е особено значајно што настапил во Скопје и дека е импресиониран од енергијата и поддршката што ја добил од присутните. Според него, токму македонската публика досега му оставила еден од најсилните впечатоци во кариерата.
Говорејќи за својот професионален развој, тој посочи дека сè уште го живее својот детски сон и дека брзиот подем кој го доживува во последниот период е за него голема мотивација и потврда за неговата работа.
За време на престојот во земјава, Јозиновиќ го посетил и Крушево, каде се задржал во спомен-куќата на Тоше Проески. Тој истакна дека ова искуство дополнително ја засилило неговата емотивна поврзаност со Македонија и со нејзината музичка традиција.
