Иран испрати остро предупредување до САД и Израел, отфрлајќи каква било можност за нови воени дејствија против земјата и порачувајќи дека тие би завршиле без успех.
Иранскиот министер за надворешни работи, Абас Аракчи, говорејќи во Њу Делхи за време на состанокот на шефовите на дипломатиите на БРИКС, нагласи дека Техеран со години е изложен на закани, но тие, како што рече, не донеле никакви конкретни резултати.
„Овие закани не се ништо ново за нас. Со децении се повторуваат во различни форми, но реалноста покажува дека не постигнале ништо“, истакна Аракчи.
Тој додаде дека Иран цврсто стои на ставот дека воено решение за спорните прашања не постои, нагласувајќи дека притисоците нема да го натераат Техеран да отстапи од своите позиции. Според него, земјата низ претходните конфликти покажала издржливост и излегла уште посилна.
Во својот настап, Аракчи се осврна и на регионалните односи, обвинувајќи ги Обединетите Арапски Емирати дека во одредени кризни ситуации се усогласиле со американските интереси. Тој тврдеше дека американски воени капацитети во регионот на Персискиот Залив биле користени за операции насочени против Иран.
На крајот, иранскиот министер порача дека долгорочната стабилност на регионот не треба да зависи од надворешни сили, туку од зајакната соработка и разбирање меѓу државите во соседството.
…
