Несекојдневна љубовна сцена од Гватемала стана вистински хит на социјалните мрежи, откако вулкан еруптираше токму во моментот кога еден маж ја запросуваше својата девојка.
Главни актери во оваа неверојатна приказна се Џастин Ли и неговата девојка Морган, кои моментот на свршувачката ќе го паметат цел живот. Додека Џастин клекнал на едно колено за да ја постави судбоносната прашалка, во позадина еруптирал познатиот вулкан Волкан де Фуего во Гватемала.
Од вулканот во тој момент почнале да излегуваат лава, чад и пепел, создавајќи драматична и речиси филмска сцена зад вљубениот пар.
Видеото брзо се прошири на интернет, а илјадници корисници коментираат дека станува збор за „најепското запросување досега“ и „совршен тајминг што не може да се режира“.
Многумина се пошегуваа дека изгледало како вулканот да бил дел од планот за романтичното изненадување.
Инаку, Волкан де Фуего е еден од најактивните вулкани во Централна Америка и често има помали ерупции, но ваков спектакуларен момент за време на запросување ретко кој би можел да замисли.
Снимката за кратко време собра огромен број прегледи и реакции на социјалните мрежи, а многумина ја нарекоа „љубовна сцена како од Холивуд“.
