Две малолетни лица се осомничени дека предизвикале пожар на летниковец во Парк шумата Гази Баба, информираа од МВР.
Според пријавата, инцидентот се случил во петокот вечерта, а пожарот бил локализиран благодарение на брзата реакција на граѓани кои се нашле во близина.
„Денеска (15.05.2026) во 19:47 часот во СВР Скопје А.В. пријавил дека во парк шума Гази Баба од страна на две малолетни лица бил опожарен дел од летниковец. Пожарот е локализиран од страна на граѓани. Се преземаат мерки за пронаоѓање на сторителите“, соопшти полицијата.
Од МВР додаваат дека се работи на расчистување на случајот и идентификација на малолетниците инволвирани во инцидентот.
