Голем сообраќаен инцидент денеска предизвика целосен застој на автопатот Е-75 во правец кон Белград, откако кај местото Крњево целосно изгоре камион-цистерна. Инцидентот предизвика долги колони и целосен колапс на сообраќајот во тој дел од трасата.
Според првичните информации, пожарот избувнал во товарното возило и за кратко време го зафатил целиот камион. Од местото се издигал густ црн чад, што предизвикало вознемиреност кај возачите кои се нашле на автопатот во моментот на инцидентот.
На терен веднаш биле испратени противпожарни екипи кои работеле на локализирање на огнот, додека полицијата го блокирала сообраќајот на делницата кај Крњево, во близина на Лозовик и Велика Плана.
Возачите се пренасочуваат на алтернативни правци, а надлежните препорачуваат користење на стариот Цариградски пат за да се избегнат застои.
Засега нема официјални информации за евентуални повредени лица. Екипите остануваат на терен додека трае расчистувањето на местото и отстранувањето на изгореното возило.
https://www.facebook.com/share/r/17yNEUqH4N/
….
