Кроација Ерлајнс ќе лета со намален интензитет на двете регионални линии кон Скопје и Сараево, покажуваат податоците објавени од специјализираниот портал Ex-Yu Aviation.
На релацијата Загреб–Скопје, во текот на јуни е планиран просек од околу седум летови неделно. Тоа претставува видливо намалување во однос на истиот период минатата година, кога фреквенцијата била повисока.
Слична корекција има и кон Босна и Херцеговина: линијата Загреб–Сараево ќе биде опслужувана со околу девет до десет летови неделно.
Овие промени доаѓаат како дел од пошироко прераспоредување на летачката програма на компанијата, во услови на зголемени оперативни трошоци и прилагодувања што ги прават повеќе авиопревозници во регионот, кои веќе ги преиспитуваат своите мрежи и капацитети.
…
