Хрватска тагува по трагичната смрт на 14-годишно момче, кое почина како последица на сериозни повреди здобиени при пад од електричен тротинет.
Според хрватските медиуми, група деца си играле во близина на канал за наводнување кај Метковиќ во вторникот. Едно од децата се одвезло до местото на собирање на електричен тротинет, по што момчињата се менувале во возењето.
Кога дошол редот на 14-годишниот Карло Жувелек, тој почнал да вози со својот тротинет, но набрзо ја изгубил контролата врз него и паднал на патот. При падот, главата му удрила во асфалтот и се здобил со сериозни повреди.
Лекарите во Универзитетската клиничка болница Мостар се бореле со сите сили за неговиот живот, но не можеле да го спасат, пишува Дубровчки дневник .
Полициската управа Дубровник-Неретва, исто така, го објави трагичниот настан.
– Четиринаесетгодишен малолетник, додека возел електричен тротинет, под непознати околности ја изгубил контролата врз возилото и паднал на патот. Бидејќи не носел кацига додека возел , како последица на падот се здобил со сериозни, животозагрозувачки повреди на главата, објави полицијата.
И покрај итна медицинска интервенција и интензивен третман, пациентот починал од повредите синоќа.
…
