Победничкото ѕвонче повторно заѕвони на Универзитетската клиника за детски болести, овојпат во чест на малата Ана, која успешно го заврши своето лекување.
За радосната вест информираше Министерството за здравство, од каде посочија дека секое ѕвонење на победничкото ѕвонче претставува силен симбол на детската храброст, семејната поддршка и посветеноста на здравствените работници.
„Победничкото ѕвонче повторно силно заѕвони — за Ана, нашата мала хероина, која храбро ја помина и ја освои една од најтешките битки“, соопшти Министерството за здравство.
Оттаму ѝ посакаа на Ана многу здравје, среќа, насмевки и безгрижно детство, нагласувајќи дека ваквите моменти се најголема мотивација за целиот медицински тим.
„Браво, Ана! Твојата победа денес е радост за сите нас“, порачаа од Министерството за здравство.
…
