Четиригодишно дете е повредено во сообраќајна незгода што се случила на 25 јуни околу 20:15 часот на тротоарот на булеварот „Маршал Тито“ во Тетово.
Според информациите од СВР Тетово, во незгодата учествувале електричен тротинет управуван од 14-годишник од Тетово и детски тротинет што го управувало четиригодишното дете, кое во моментот било во придружба на родител.
Во несреќата, четиригодишното дете се здобило со телесни повреди, кои биле констатирани во Клиничката болница во Тетово.
Полицијата извршила увид на местото на настанот и се преземаат мерки за целосно расчистување на околностите под кои се случила незгодата.
