Македонската тенисерка Лина Ѓорческа ќе се соочи со исклучително тежок предизвик во првото коло од главниот турнир на Вимблдон, откако ждрепката ѝ ја додели Американката Аманда Анисимова.
Анисимова, која моментално е шеста тенисерка на ВТА-листата, минатата година стигна до финалето на најпрестижниот светски тениски турнир, што ја прави една од главните фаворитки и оваа сезона.
За Ѓорческа ова ќе биде историски настап, бидејќи стана првата македонска тенисерка што обезбеди место во главниот сингл-жреб на Вимблдон преку квалификациите.
До овој успех таа стигна со три победи во квалификацискиот дел. На патот до главниот турнир ја совлада Шпанката Анхела Фита Болуда со 2:0 во сетови, потоа беше подобра од Португалката Франсиска Жорже со 2:1, а во последното квалификациско коло ја победи Италијанката Лучија Бронцети со убедливи 2:0.
Иако ја очекува една од најтешките можни противнички уште на стартот, самиот пласман во главниот турнир претставува историски успех за македонскиот тенис и големо достигнување во кариерата на Лина Ѓорческа.
…
