четврток, ноември 19, 2026
No Result
View All Result
bulevar.mk
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт
No Result
View All Result
bulevar.mk
No Result
View All Result
Home Економија

ЕИБ: Европа има неискористен минерален потенцијал – Македонија со потврден бакар во Иловица

by Redakcija
13.08.2026
in Економија

Европската инвестициска банка повикува на забрзување на геолошките истражувања и развојот на нови рударски проекти во Европа. Во својот последен технички извештај „Предизвици и решенија за истражувањето на минерали во Европа“, ЕИБ оценува дека континентот располага со значаен, но сè уште недоволно искористен минерален потенцијал.

Од Банката посочуваат дека земјите треба побрзо да ги истражуваат сопствените геолошки ресурси и да создаваат услови за отворање нови рудници, при што како позитивни примери ги издвојуваат Финска и Шведска.

Според извештајот, долгогодишниот недостиг од инвестиции во геолошките истражувања оставил премалку проекти кои се доволно подготвени за премин од истражување кон реализација на рударски проекти.

Во македонски услови, меѓу потврдените минерални потенцијали се издвојува бакарот во Иловица, што отвора прашање дали земјата ќе успее навреме да го искористи сопствениот ресурсен потенцијал во услови кога Европа забрзано ги активира своите минерални ресурси.

„Оваа студија покажува дека Европа има значаен сопствен минерален потенцијал, кој би можел да игра многу поголема улога во зајакнувањето на нашата безбедност при снабдувањето. Предизвикот е да се создадат услови што ќе овозможат овој потенцијал да биде откриен и развиван одговорно. Тоа значи подобри геолошки податоци, побрзо и попредвидливо издавање дозволи и финансиски алатки што помагаат да се привлечат приватни инвестиции во високоризичен, но стратешки важен дел од вредносниот синџир“, изјави потпретседателката на Европската инвестициска банка, Никола Беер.

Додека Европа засилено го крати периодот за издавање на дозволи за рударски проекти и повикува на привлекување на инвестиции, во Македонија има само една сериозна најава за рударски проект. Станува збор за рудникот за бакар во Иловица. Сепак, оваа инвестиција се уште не е реализирана, иако се изминати повеќе од 22 години од дозволата за детални геолошки истражувања на локалитетот, издадена во 2004 година. Податоците од истражувањата покажаа дека е возможна експлоатација на 10 милиони тони годишно. Тестирањата потврдиле искористување на 84 отсто за бакарот. Просечното годишно производство би било 16 илјади тони бакар, а во предфизибилити студијата биле утврдени 237 милиони тони ресурси и резерви од 225 милиони тони руда. Во 225 милиони тони руда се проценува присуство на 410 илјади тони бакар. Животниот век на рудникот е предвиден да трае 23 години.

Инаку, студијата на ЕИБ дава препораки и за тоа како да се овозможи одговорно истражување, да се спроведе и промовира Законот за критични суровини, да се зајакне геолошката наука, да се мобилизира капиталот за истражување и да се изгради посилен екосистем за рударски иновации и употреба на модерните технологии.

„Студијата идентификува и неколку пречки што го ограничуваат истражувањето во ЕУ: сложени и фрагментирани системи за дозволи, долги периоди на одобрување, ограничена јавна свест зошто критичните суровини се важни, нецелосно или застарено геолошко мапирање, премалку мали компании за истражување способни да преземат ризик во рана фаза и недоволни финансиски стимулации за проекти во рана фаза“, наведува ЕИБ.

Како што се додава, без истражување, не може да има нови рудници, односно нова домашна понуда и силен тек на проекти за подоцнежни инвестиции. Според студијата, најголемиот ризик е што само околу еден од 10.000 рани потенцијални истражувачки проекти и еден од 1.000 понапредни истражувачки проекти на крајот стануваат оперативни рудници.


Директивата за критични суровини на ЕУ поставува цел за најмалку 10% од годишната потрошувачка на стратешки суровини во ЕУ да доаѓа од домашен ископ до 2030 година. Тековните трошоци за истражување на минерали во ЕУ се проценуваат на околу 0,2 милијарди евра годишно, а за да се помогне во исполнувањето на целите на ЕУ, ЕИБ проценува дека сумата би требало да се зголеми десеткратно, на околу 2 милијарди евра годишно во текот на следните пет години. Ова би ги поставило трошоците на ЕУ за истражување над моменталните трошоци на Канада и Австралија, две од водечките светски сили во рударството.

…

Макси Златна Рипка – Државна Лотарија
Златна Треска – Државна Лотарија

Related Posts

Тутунари, внимавајте како го пакувате тутунот: Една грешка може да ви ја намали откупната цена

19.11.2026

Пекабеско оствари 213 милиони денари нето-добивка за девет месеци

19.11.2026

Во рамките на Глобалната недела на претприемништвото: Европската бизнис асоцијација ги поврза студентите со бизнис приказните

18.11.2026

Божиновска: Повеќе извори на снабдување и посилна регионална соработка за енергетска безбедност

18.11.2026

Македонија меѓу земјите со важни наоѓалишта на критични минерали, ЕУ ја препознава стратешката вредност на бакарот

18.11.2026

Макстил ја подобри заработката во третиот квартал, но деветмесечната добивка остана пониска за 27,8%

18.11.2026
Мега Милионер – Државна Лотарија
Дијамант – Државна Лотарија
Titanium – Државна Лотарија

Препорачани Вести

Балканскиот рис доаѓа во Скопје: Патувачката фотоизложба на Македонското еколошко друштво се отвора во Лабораториум

9 месеци ago
Македонските компании на прагот на зелена трансформација: Грантови од 5.000 до 300.000 евра од ИНОВА

Ова се мерките кои ги бара Обвинителството за професорка осомничена за поткуп

5 месеци ago

Популарни Вести

  • Николоски пред претставници на Јапонската надоврешна трговска организација: Македонија нуди најдобри услови за инвестирање од целиот регион

    0 shares
    Share 0 Tweet 0
  • Тутунари, внимавајте како го пакувате тутунот: Една грешка може да ви ја намали откупната цена

    0 shares
    Share 0 Tweet 0
  • Пекабеско оствари 213 милиони денари нето-добивка за девет месеци

    0 shares
    Share 0 Tweet 0
  • Историски пресврт до 2035 година: Исламот би можел да стане најголема религија во светот

    0 shares
    Share 0 Tweet 0
  • Украина повторно го нападна Кримскиот мост: Русија го запре сообраќајот по нови експлозии

    0 shares
    Share 0 Tweet 0
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Спорт
  • Импресум

Булевар.мк © 2025 Сите права се задржани.

No Result
View All Result
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт

Булевар.мк © 2025 Сите права се задржани.